ҚҰЖАТ

        Мемлекет басшысы Нұрсұлтан Назарбаев Ақпарат және комму­никациялар министрі Дәурен Абаевты қабылдады. Кездесу барысында Қазақстан ­­Прези­денті­не «Төртінші ­өнеркə­сіп­тік революция жағдайын­дағы дамудың жаңа мүмкіндіктері» атты Жолдау аясында қойылған міндеттердің іске асырылуы жөнінде мəлімдел­ді. Елбасы инновациялар мен жаңа техноло­гия­ларды енгізу жөніндегі жұмыс­тарды жалғастыру, сондай-ақ бұл үрдіске «Қазақстандағы 100 жаңа есім» жобасына қатысу­шы­лардың креативті əлеуетін пайдалану қажет екенін атап өтті. Сонымен қатар Нұрсұлтан Назарбаев қазақ тілін латын қарпіне көшіру мəселесіне тоқталып, мем­лекеттік тілдің мəртебесін арттыруға бағытталған шаралар қабыл­даудың маңыздылығын айтты. 

      – Халқымыз үшін латын қарпіне көшу үдерісінің тарихи мәні зор. Сонымен бірге қазақ тілінің мәртебесін арттыру жөніндегі жұмыстарды жалғастыру қажет. Парламент пен Үкіметтің қызметі мемлекеттік тілде жүргізілуге тиіс. Сондай-ақ бұл мәселе бойынша азаматтардың құқығын шектеуге болмайды. Бұл ретте ілеспе аударма жасау мүмкіндігі бар, – деді Қазақстан Президенті.
Мемлекет басшысы латын қарпіне кезең-кезеңмен көшудің маңыздылығын айтып, қазақ тілін үйрету әдістемелерін же­тіл­діру мәселелерін жан-жақты зерттеуді тапсырды. Бұдан бөлек, Елбасы кибер-қауіпсіздікті қамта­масыз ету және отандық бұқаралық ақпарат құралдарының бәсекеге қабілеттілігін арттыру мәселелері­не назар аударды. Нұрсұлтан Назарбаев еліміздің телеар­наларын­дағы сериялық өнім­дердің сапасын арттыру қажеттігіне тоқталып, масс-медиа жастарға патриоттық тәрбие беру ісінде маңызды рөл атқа­ратынын атап өтті.
        Кездесу барысында Дәурен Абаев Қазақстан Президентіне «Цифрлы Қазақстан» бағдарла­масын іске асыру жоспары туралы баяндап, оның басым бағыттарын түсіндіруге бай­ла­нысты шаралар жөнінде мәлімет берді.
Елбасы Н.Назарбаев Батыс Қазақстан облысының әкімі Алтай Көлгіновті, әл-Фараби атындағы Қазақ ұлттық университетінің ректоры Ғалымқайыр Мұтановты, сондай-ақ «Назарбаев Зияткерлік мектептері» дербес білім беру ұйымының басқарма төрайымы Күләш Шәмшидинованы да қабылдады.
      Кездесу барысында Батыс Қазақстан облысының әкімі А.Көлгінов өңірдегі негізгі эконо­микалық көрсеткіштері туралы, мемлекеттік және салалық бағдар­ламалардың жүзеге асырылу барысы жөнінде баян­даса, Ғалымқайыр Мұтанов универси­тетті трансформациялау және оқу үдерісін заманауи талаптарға бе­йімдеу нәтижелері жөнінде әңгі­меледі. Күләш Шәмшидинова зияткерлік мектептердің оқытушы құрамын қалыптастыру мақсатымен жүргі­зілген жұмыстар жөнінде мәлімдеді.